Këngëtari dhe aktori Justin Timbërllajk, pas rolit në filmin e suksesshëm “The social Network” ka fituar angazhim në edhe një realizim potencial në filmin “Trouble with the Curve”.

Më saktë, ky është projekti i ri i regjisorit dhe aktorit Klint Istvud. Sipas magazinës amerikane “Variety”, në film përshkruhet jeta e një bejsboll lojtarit të ri, të cilin e aktron Justini, dhe gjuetari i vjetër i talenteve të cilin e luan edhe vetë regjisori.

Detalet për fillimin e xhirimit të këtij filmi janë akoma fshehtësi.

Pas filmit të suksesshëm “Contagion”, regjisori Steven Soderbergh nuk ndalet me xhirime, ndërsa me tematikë të njëjtë vazhdon edhe në filmin e ri “Side effects”. Në projektin e ri ai ka zgjedhur aktoren e famshme Catherine Zeta Jones për rolin kryesor.

Filmi “Side effects” është film psikologjik, ndërsa aktorja do të ketë rolin e mjekes. Për aktoren e famshme ky do të jetë bashkëpunimi i tretë me Soderberghun, pas filmave të suksesshëm “Ocean Twelve” dhe “Traffic”.

Xhirimi i “Side effects” është caktuar në prill, por sipas Variety, studioja xhiruese “Annapurna”  është tërhequr për shkak problemeve financiare, me çka mbetet e panjohur se a do të anulohet fillimi i xhirimeve me 30 milionë buxhet.

Julia Roberts do të luajë në adaptimin e shfaqjes së Broadwayt “Normal Heart”, e cila merret me problemin e SIDA-s dhe të virusit HIV në New York gjatë viteve tetëdhjetë të shekullit të kaluar.

Roberts do të luajë rolin e një doktoreshe të specializuar për këtë sëmundje, e cila është e lidhur për një karrocë invalidësh.

Alec Baldwin do të luajë avokatin, i cili e ka problem të pranojë që vëllai i tij, të cilin do ta luajë Jim Parsons, është homoseksual.

Dramën “Normal Heart” e ka shkruar Larry Kramer, dramaturg i shquar, shkrimtar dhe aktivist për të drejtat e njerëzve “LGBT” (lesbian, gay, bisexual & transgender), ndërsa premiera e shfaqjes duhet të jepet në fillim të muajit shkurt të këtij viti.

Me premierën e “Soul 2″, e fundit në serinë e filmave nga saga “Twilight”, është dashur t’i jepej fundi serialit të suksesshëm.

Pasi që “Lionsgate” ka arritur një marrëveshje mbi blerjen e “Summit Entertainment”, kompaninë që ka distribuuar filmat nga “Twilight”, kanë filluar spekulimet që ky megjithatë mund të mos jetë fundi.

Presidenti i Lionsgate, Jon Feltheimer, la të kuptohet se mund të presim akoma edhe shumë më tepër nga Twilight. ”Është e vështirë të imagjinohet që një film i cili fiton më shumë se 700 milionë dollarë të mos vazhdojë të sjellë të ardhura.”

Në pyetjen nëse ne mund të presim një vazhdim të “Twilight”, Feltheimer tha: “Ky serial ka arritur të mbetet në krye pa rënie të cilësisë, për këtë arsye përgjigjja ime do të jetë – unë sinqerisht shpresoj që po.”

Në qoftë se spekulimet në lidhje me një film të ri tregohen të pasakta, ka mundësi që do të shikojmë sagën “Twilight” si një seri televizive, për shkak të faktit se Lionsgate ka televizionin e vet.

Një nga historitë e shumta të tmerreve të luftës në Kosovë është vënë në skenën e një teatri në Bronx, New York.

“E shoh këtë si versionin tonë të ditarit të Ana Frankut”, ka thënë regjisori me prejardhje malazeze, Roko Markolovic, transmeton Editorial.

Shfaqja quhet “Pse i vratë prindërit e mi” dhe është e vendosur në prill të vitit 1999, me protagoniste kryesore Egzonën. “Kjo vajzë e gjorë futet në një dramë psikologjike. Rrëfimi i saj është kaq i fortë , kaq i fuqishëm sa gati harron se dy personat e tjerë janë të vdekur”, ka thënë Markolovic.

Ai ka pohuar se shfaqjen e ka bërë për publikun amerikan, sepse mendon se ende nuk e kuptojnë shkallën e tmerrshme të krimeve në Kosovë

Aktorët e mirënjohur të serialit “Familja moderne” me seritë maratonike të shfaqura në RTK vijnë me një serial të ri, por që do të jetë pjesë e platformës kabllore televizive Kujtesa në K-Channel. 

Seriali i pagëzuar “Kombinati” vjen me aktorët Leze Qena, Shkumbin Istrefi, Yllka Gashi, Ilir Prapashtica, Armond Morina. Ky i fundit është edhe skenarit i këtij seriali.

Promovimi i seralit do të bëhet sot në Hotel Sëis Diamond në Prishtinë. (INA)

“Kontrabanda”, filmi aksion me Mark Wahlberg, doli në krye të box office në Shtetet e Bashkuara fundjavën që sapo kaloi, duke arkëtuar plot 24 milionë dollarë.

Në vendin e dytë ndodhet një tjetër “new entry”, “Bukuroshja dhe Bisha”, këtë herë në 3D, që ka siguruar 18.5 milionë dollarë.

Klasifikimi vazhdon me “Mision i Pamundur: Protokolli Fantazmë”, me 11.5 milionë dollarë dhe “Britma Gëzimi”, komedia muzikore me Queen Latifah, me 11.3 milionë.

“Sherlock Holmes: Loja e Hijeve”, që për shumë javë “bëri ligj” në box office, ka zbritur në vendin e pestë me 8.4 milionë dollarë.

Filmi tjetër që u duk se do të korrte sukses dhe që një fundjavë më parë spostoi gjigandët në klasifikim, “Me Djallin Brenda”, ra nga vendi i parë në të shtatin.

Filmi me buxhet 1 milionë dollarë, që në javën e parë të debutimit tërhoqi vëmendjen e audiencës, duket se po vuan pikërisht efektet e kostos së ulët.

Sezoni i pestë i “Californication” filloi këtë vikend të transmetohen në televizionin amerikan “Showtime”. Kaluan pothuajse dy vite pasi që për radhë të fundi e pamë Henk Mudi ndërsa gjithsesi asgjë nuk është ndryshuar tek ai.

“Californication” është seri argëtuese që mund të përshkruhet dhe është në stilin e serisë “Sex and the city” por nën ndikimin e Los Angeles dhe me rolin mashkullor si Henk Mudi në rolin kryesor.

Seria filloi të xhirohet në vitin 2007 dhe shumë shpejtë e fitoi publikun amerikan, por edhe shikuesit mbarë botën.

Horor filmi “The devil inside” më në fund hoqi nga top lista dhe vendi i pari filmin “Mission impossible 4” në boks ofisin në SHBA

Filmi në regji të Vilijam Brent Bel ka përfituar 34 milion dollarë nga vikendi i parë, përfitim i cili i mundësoi pozitën e parë.

“Mission impossible 4” radhitet në vendin e dytë me përfitim prej vetëm 20 milion dollarë vikendin e kaluar ndërsa vazhdimi i “Sherlock holmes” ka përfituar 14 milion dollarë, të mjaftueshme për pozitën e tretë.

Pas 4 javë emitim, përfitimi i gjithsej i “Mission impossible 4” është 170 milion dollarë ndërsa e “Sherlock holmes” 157 milion dollarë.

Regjisorët Ekrem Kryeziu e Luan Kryeziu e kanë shkelur edhe afatin e dytë që kanë kërkuar për premierë të filmave të cilët  qe tre vjet janë financuar nga shteti.

Të dy regjisorët, përveç afataeve të parashikuara me kontratë (që u kanë skaduar vitin e kaluar), nuk kanë respektuar as kohën që Qendra Kinematografike e Kosovës u ka dhënë pas kërkesës që të shtyhen premierat. Dita e fundit e dhjetorit të vitit të kaluar ka qenë ultimatumi që u ka dhënë QKK-ja.

Por ata vazhdojnë të japin tjetër afat për shfaqjen e filmave të tyre. “Kodi i jetës” i Ekrem Kryeziut dhe “Heroi” i Luan Kryeziut, sipas paralajëmrimeve të vetë regjisorëve, do të marrin “bekimin” e audiencës brenda këtij viti. Derisa ekipi i “Kodi i jetës” siguron që filmi do të shfaqet në ekranin e madh të kinemasë më së largu deri në muajin mars, Luan Kryeziu nuk e ka idenë se kur do të jepet premeira e “Heroit”.

E gjitha për çka mund të garantojë regjisori është se filmi do të shfaqet brenda vitit 2012. “Kodi i jetës”, i cili në vitin 2009 është financuar me 240 mijë euro, në mars të vitit të kaluar kishte bërë kërkesë në QKK për të shtyrë afatin e realizimit. Ngjashëm edhe “Heroi” në shtator të vitit të kaluar kishte pasur afatin e fundit për premierë. QKK-ja kishte pranuar kërkesat e tyre, por regjisorët nuk i janë përmbajtur as premtimit të dytë dhe kanë kërkuar që afati të shtyhet deri në muajin mars.

Arben Zharku, drejtor i Qendrës Kinematografike të Kosovës, ia ka hedhur fajin pararendësve të tij duke thënë që një problem i tillë është përsëritur me vite.

“Jemi munduar që projektet të cilat janë përkrahur prej momentit që jemi ne në QKK të mos lejojmë të zvarriten e për të tjerat s’kemi pasur çka të bënim, sepse ka qenë një situatë e kryer”, ka thënë Zharku.

Ai ka pranuar se “Kodi i jetës” e “Heroi” përveç afateve të përcaktuara me kontratë i kanë shkelur edhe afatet shtesë që u ka dhënë QKK-ja, por nuk ka folur për masa konkrete.

“I kemi thirrur disa herë në takime dhe ata na janë arsyetuar në mënyra të ndryshme duke na lutur që të shtyhen datat. Por tani e kanë tejkaluar limitin dhe shpejt do t’i ftojmë në takim”, ka thënë Zharku. “Ata kanë bërë kërkesë që premierat të shtyhen për në mars dhe ne javën e ardhshme do të takohemi për të shqyrtuar këtë gjendje”, ka thënë ai.

Në anën tjetër, regjisori Ekrem Kryeziu ka dhënë edhe një tjetër afat për premierën e filmit të tij.

“Po presim ende të caktojmë datën, por jemi përcaktuar që premiera të jetë pas festës së Pavarësisë ose më së largu në fillim të muajit mars”, ka thënë Kryeziu.

Kryeziu, i cili pati paralajmëruar se “Kodi i jetës” do të ketë premierën në festivalin prestigjioz “Berlinale”, thotë se këtë punë e ka lënë në duar të QKK-së. Por ai është shprehur i gatshëm të “ballafaqohet” me audiencën.

“Nuk kemi përgjigje zyrtare. Po presim, pasi filmin e ka dërguar QKK-ja”, ka thënë Kryeziu. Për audiencën vendore ka tjetër shpresë.

Ndryshe, kolegu i tij Luan Kryeziu nuk e ka idenë se në cilin muaj do të shfaqë premierën e “Heroit”.

“Nuk kemi caktuar asnjë datë, por premiera do të jepet këtë vit. Jemi duke punuar në miksimin e tonit dhe me kompozitorin Billy Cobham, i cili është duke realizuar muzikën e filmit”, ka thënë Kryeziu.