Pas 19 ditësh të shfaqjes nëpër kinematë botërore, blockbusteri amerikan “The Avengers” tashmë ka realizuar të ardhura prej një miliard dollarësh dhe në këtë mënyrë është barazuar me Avatarin dhe vazhdimin e fundit të Harry Potterit.

Super heronjtë gjatë fundjavës kanë fituar rreth 200 milionë dollarë në arkat e kinemave në mbarë botën (103 milionë në Amerikë dhe 95 në pjesën tjetër të botës), si dhe në listën e rekordeve që janë thyer dhe qysh tani mund t’i jepet titulli “Filmi që më së shpejti arkëtoi 300 milionë dollarë në tregun e brendshëm” (në vetëm nëntë ditë).

Pritjet janë të larta, veçanërisht nëse kemi parasysh se Avatari në tregun amerikan në javën e dytë ka fituar “vetëm” 75 milionë euro.

Pritet që Avengers gjatë fundjavës tjetër të hyjë në top 10 filmat me të ardhurat më të larta (aktualisht zë vendin e 18-të).

Vlen të përmendet se edhe filmi i Tim Burtonit “Dark Shadows” në fundjavën e njëjtë arkëtoi 29 milionë dollarë, “Think Like a Man” 6 milionë dollarë, ndërsa “The Hunger Games” 4.4 milionë dollarë.

Më shumë se katër orë para premierës, Policia e Kosovës ka pastruar nga makinat rrugën që çon për në Kinemanë ABC. Madje kishte dhënë edhe gjoba gjë që nuk ndodhë shpesh.

Aty u shtrua edhe tepihu i kuq. Nëpër të nuk parakaluan yjet e filmit “In the Land of Blood and Honey” e as aktorja me nam Angelina Jolie, regjisore dhe skenariste e filmit.

Në vend të saj protagoniste e ceremonisë solemne për premierën e filmit të Joliet në Kosovë, të mërkurën në mbrëmje, ka qenë presidentja e Kosovës, Atifete Jahjaga. Muaj më parë, e para e vendit, kishte thënë se në një takim në New York, e ka ftuar Jolien të vijë në Kosovë. Kjo s’ka pasur rezultat. E kinemaja e vetme në kryeqytet ka dështuar të sjellë në Prishtinë edhe tre protagonistët e filmit, Zana Marjanoviq, Goran Kostiq dhe Rade Serbexhija. Krejt ata janë parë në ekranin e madh nga më se 200 të ftuar nga kompania për shfaqjen dhe distribuimin e filmit “Genci”. E veshur në një fustan deri nën gju, hijeshuar me lule të bardha e ngjyrë rozë, e para e vendit bashkë me përfaqësues institucionesh, ambasadorë e njerëz të komunitetit artistik, u bënë bashkë për të shikuar rrëfimin për luftën në Bosnjë, sipas skenarit të Joliet. Për këtë të fundit, kur filmi i saj ka mbërritur në Kosovë, mediet botërore raportojnë se është në hall se nuk po i pëlqen unaza e fejesës të cilën Brad Pitt ia bleu hiç më pak se çerek milioni dollarë.

Aktorja me nam katër ditë më parë u shpall qytetare nderi e Sarajevës. Pas nderimit që i është bërë, Jolie ka thënë se në muajin korrik do të vizitojë sërish Sarajevën, për të shprehur falënderimin e saj. Herën e fundit Jolie vizitoi kryeqytetin boshnjak në premierën e filmit “In the Land of Blood and Honey” në shkurt të këtij viti, gati tre muaj para se filmi i saj të mbërrijë në Prishtinë.

Skena e parë e filmit zhvendoset në vitin 1992, kur dy protagonistët shijojnë dashurinë nën tingujt e muzikës në një klub nate. Takimi i dytë në film mes Danielit dhe Ajlas, katër muaj më vonë, ndodh midis tmerrit e dhunës. Bashkë me luftën marrëdhënia midis tyre ndryshon tragjikisht. Daniel, i cili shërben në njësitin ushtarak të babait të tij, gjeneralit Vukojeviq, takohet me Ajlën, të cilën ushtarët serbë e marrin bashkë me shumë gra të tjera myslimane boshnjake. Nën tmerrin e konfliktit, urrejtja shpeshherë zë vendin e dashurisë. Megjithatë, tmerret e luftës i kalojnë së bashku. Deri në fundin tragjik për Ajlën, që vritet nga njeriu për të cilin shpeshherë ndjeu se po i tradhtonte njerëzit e vet. “Perdja” e “In the land…” mbyllet me skenën kur Daniel dorëzohet para forcave të NAT0-s. “Jam kriminel lufte” thotë ai krejt në fund të filmit, i cili ende pa u shfaqur nxiti debat veçmas në Serbi, ku premiera e tij u injorua. “In the land…” në prill të këtij viti ka pasur premierën edhe në Shqipëri.

E ndonëse me vonesë, duke u nisur nga ideja se është një film shumë i përfolur, menaxhmenti i kinemasë së vetme të kryeqytetit ka shpresë që do të shërbejë si “karrem” për të zgjuar vëmendje të shikuesve.

“Është një film që është përfolur shumë. Është shfaqur në vende të rajonit dhe në botë dhe me sa kam informacion do të vazhdojë të shfaqet deri në fund të vitit. Besoj që do të zgjojë interesim”, ka thënë Miradije Vllahiu, menaxhere e kompanisë për distribuimin dhe shfaqjen e filmit “Genci”.

Sipas saj, Kinemaja ABC ka bërë përpjekje të mëdha për ta siguruar filmin.

“Ka pasur angazhim të madh që filmi të vijë në Kosovë dhe është bërë marrëveshje e re me distributorin ‘Blitz Film’. Do të duhej të zgjojë interesim, përderisa e konsiderojmë që është ofertë e mirë për shikuesit”, ka thënë Vllahiu.

Vllahiu po ashtu ka komentuar faktin që asnjëri nga protagonistët e filmit nuk i ka thënë “po” ftesës për premierën në Kosovë.

“Mysafirëve u janë bërë ftesa, dëshira jonë ka qenë që ata të vijnë, por nuk kanë arritur të jenë këtu për arsyeje që ndoshta ata i dinë, planet afatshkurtra janë më të vështira që të realizohen”, ka thënë ajo.

Komuniteti artistik e ka mirëpritur shfaqjen e filmit “In the Land of Blood and Honey” në Kosovë.

Regjisori Gani Mehmetaj ka thënë se është një mënyrë për të treguar se si mund të bëhen filma të mirë nga rrëfimet e luftës.

“Ishte një film i shkëlqyer. I zymtë, i rëndë, i tmerrshëm por film i mirë. Do të ishte mirë që një regjisor i huaj të bëjë një film të ngjashëm edhe për Kosovën, sepse ne deri më tani s’kemi pasur sukses me filma të tillë”, ka thënë Mehmetaj.

Dramaturgu Arian Krasniqi, po ashtu e ka vlerësuar pozitivisht iniciativën e Kinemasë ABC për të sjellë në kryeqytet filmin e Jolies.

“Mendoj se edhe ne kemi kaluar një periudhë të vështirë të luftës dhe përjetime pak të ngjashme. Për këtë arsye filmi te ne mund të përjetohet më emocionalisht sesa në Amerikë apo Kanada”, ka thënë Krasniqi. “Ka ngjallur goxha debate dhe Kinemaja ABC ka bërë mirë që e ka sjellë”, ka shtuar ai.

Komedia romantike “Think like a Man” ka triumfuar për herë të dytë në arkën filmike, duke grumbulluar gjithsej 18 milionë dollarë nga shitja e biletave në Shtetet e Bashkuara të Amerikës dhe në Kanada.

Ndërkohë, filmi i ri i animuar “The Pirates! Band of Misfits” është radhitur në vend të dytë, me gjithsej 11.4 milionë dollarë të grumbulluar gjatë fundjavës.

Vendi i tretë në listën e filmave më të shikuar të fundjavës i ka takuar rrëfimit për dashuri “The Lucky One”, me gjithsej 11.3 milionë dollarë të grumbulluar nga shitja e biletave.

Dy filmat që ndodhen në pozitat e para për këtë fundjavë janë realizime të studios “Sony Corp”, derisa “The Lucky One” është realizuar dhe distribuuar nga “Warner Bros”.

Media romantike “Think Like a Man” është realizuar nga regjisori Tim Story, bazyar në skenar të shkruar nga Keith Merryman dhe David A.Newman.

Me role kryesore në këtë film luajnë aktorët Chris Brown, Gabrielle Union dhe Kevin Hart.

Filmi shtjellon rrëfimin e katër shokëve të cilët bëjnë komplote për t’iu hakmarrë grave të veta, pasi kuptojnë që ato kanë dëgjuar këshillat e Steve Harvey kundër tyre.

Në vendin e katërt të top listës me filmat më të shikuar është radhitur “The Hunger Games”, me gjithsej 11.25 milionë dollarë.

Filmi i cili është bazuar në romanin me të njëjtin të titull të shkruar nga Suzanne Collins, rrëfen historinë e një shoqërie në të cilën adoleshentët janë të detyruar të luftojnë vdekjen në një garë televizive. Me rol kryesor në këtë film luan Jennifer Lawrence.

“The Five Year Eangagement”, këtë fundjavë ka grumbulluar 11.2 milion dollarë. Filmi, në të cilin me role kryesore paraqiten Jason Segel dhe Emily Blunt, ishte realizuar me buxhet prej 30 milionë dollarësh.

Pas gati tetë vjetëve ka përfunduar xhirimi i serisë “Dr. House”. Një nga seritë më të mëdha amerikane kohët e fundit e ka bërë yll botëror aktorin britanik, Hugh Laurie.

Ditë më parë aktorët u mblodhën në qilimin e kuq në nder të përfundimit të xhirimit të hit serialit. “Në përgjithësi, unë jam shumë i keq kur vjen puna për përshëndetjet.

Mirë jam diku në mes, kurrë nuk jam mirë në fillim dhe as në fund. Kjo ishte një lamtumirë e gjatë për karakterin që kam luajtur dhe ekipin prej 300 personave me të cilët kam punuar. Kjo ishte një periudhë shumë emocionale, dhe vazhdon të jetë”, tha Hugh për “Zap2it”.

Laurie për rolin ekscentrik të House fitoi dy çmime “Golden Globe” dhe u nominua disa herë për Emmy. Përveç kësaj, ai u bë aktori më i paguar televiziv. Për këtë në vitin 2012 ka hyrë në Librin e Rekordeve të Guinessit. Konkretisht, ai është paguar 700 mijë dollarë për episod. Pas mbarimit të xhirimeve, Laurie ka në plan të udhëtojë me grupin e tij muzikor. Episodi i fundit, i 177-ti, është quajtur “Everybody Dies” ndërsa ky episod do të shfaqet në SHBA më 21 maj.

Filmi “90 minutes – Das Berlin Projekt” ku aktori i mirënjohur Blerim Destani luan rolin kryesor do të shfaqet si premierë botërore në kuadër të Festivalit “Achtung Berlin” .

Përkrah Blerim Destanit në role tjera paraqiten aktor me famë botërore siç janë: Udo Kier, Nicolette Krebitz, Richard Sammel, Werner Daehn etj.

Filmi është xhiruar në Berlin në disa nga lokacionet më atraktive të qytetit siç janë: Tempodrom, Stadiumi olimpik, kinemaja “Zoo Palast”, muzeu i filmit “Filmhaus”, “Skylounge” etj.

“90 minutes – The Berlin Project” është një histori emocionuese që shqyrton emocionet e krijuara në nivele të ndryshme të realitetit nëpërmjet të cilit i shqyrtojmë zgjidhjet tona, motivimet dhe jetën në përgjithësi. Koncepti themelor është që të tregohet historia në kohën reale përderisa e ndjekim veçanërisht personazhin. Gjatë incizimin janë përdorur kuadro të gjata të cilat në fund japin një imazh të përgjithshëm se i tërë filmi është i xhiruar në një kuadër.

Kjo qasje vizuale e rrit ndjenjën për realitetin, përderisa vetë veprimi varet më shumë nga zgjidhjet mizanskenike me përdorim minimal të dialogjeve. Në këtë mënyrë filmi tërësisht mbështetet në vlerat themelore, sineatike dhe gjuhën filmike. Koncepti i xhirimit në kohë reale dhe në një kuadër krahas asaj se e intensifikon vlerën emocionale të filmit gjithashtu krijon një imazh të freskët dhe ironik të zhanrit filmik. Ky koncept i veçantë i jep veprës vlera unikale dhe paraqet bazën artistike të potencialit filmik.

Për shkak të vetë konceptit të filmit xhirimet kanë zgjatur dy javë, duke i paraprirë përgatitjet nga tetë javë prej të cilave dy të fundit kanë qenë komplet teknike, prova me aktor dhe mizanskenash me gjithë ekipin e aktorëve dhe të filmit në lokacionet e vërteta.

Ngjara fillon në premierën e filmit” “90 minuta “ në kinemanë Zoo Palast në Berlin. Në qendër të ngjarjen është Sebastiani (Blerim Destani), një aktor i ri (ylli i filmit në rritje), i cili prej këtu e fillon “misionin e tij hakmarrës”. Vazhdojnë tutje shumë ngjarje të pazakonta, situata bizare të cilat përfundojnë në kthime të papritura. Skenari u jep shumë hapësirë aktorëve në ndërtimin e personazheve reale dhe multidimensionale dhe përbëhet nga një numër i madh i mikro situatave me potencial të hapur të zgjidhjeve të ndryshme dhe me kontribut më të madh artistik.

“90 minutes – The Berlin Project” është një udhëtim emocionues 90 – minutash në kohë reale e aktorit Blerim Destani dhe regjisorit Ivo Trajkov. Të cilët me sukses e realizuan këtë ide për një film vërtetë unikal.

Regjisori i njohur Ivo Trajkov që jeton dhe punon në Pragë, në FAMU (Akademia e filmit dhe televizionit ne Pragë) është autor i skenarit dhe regjisor i filmit.

Ndërsa në këtë projekt të ri filmik, përkrah Blerim Destanit paraqiten edhe aktorët:

Udo Kier

Një legjendë e vërtetë e aktrimit, I cili ka xhiruar më shumë se 190 filma. Në Karrierën e tij të pasur ai ka bashkëpunuar me disa nga regjisorët më të famshëm në historinë e kinematografisë si: Rainer Werner Fassbinder, Lars von Trier, Wim Wenders, Werner Herzog e shumë të tjerë

Nicolette Krebitz

Aktore, regjisore “The city below” (Unter dir die Stadt), “Zwischen Tag und Nacht”, “ So schnell Du kannst” “All the Queen’s Men” “ Jeans” , “The Tunnel” , “Fandango”, Long Hello and Short Goodbye” , “Bandits” etj.

Richard Sammel

Aktor gjerman që ka realizuar role të rëndësishme në: ”Inglourious bastards”, “Casino Royal”(James Bond 007), “La vita e bella” etj.

Werner Daehn

“The lives of others” (Das leben der Anderen), “Operation Valkyrie”, “Enemy at the gates”.

Premiera botërore e filmit do të jetë në kuadër të Festivalit “Achtung Berlin” me 23 prill, dhe më pas vazhdon distribuimi i filmit në rrjetet e kinemave në Gjermani dhe EU.

“90 minutes – The Berlin Project”

Skenari dhe regjia: Ivo Trajkov

Drejtor i fotografisë: Suki Medençeviç,

Kamera operator: Marcus Polhus,

Kostumograf : Irene Ip

Skenograf: Barbara Falkner

Muzika: Birger Clausen

Aktorët: Blerim Destani, Udo Kier, Nicolette Krebitz, Richard Sammel, Werner Daehn etj.

Gjuha e filmit: Gjermane

Lady Gaga dhe Justin Bieber do të kenë role të vogla në vazhdimin e tretë të filmit “Men In Black”.

New Musical Express transmeton se regjisori Barry Sonnenfeld ka konfirmuar se dy këngëtarët do të paraqiten si jashtëtokësorë në këtë film.

Për Gagan është thënë edhe më herët që do të luajë, pasi Will Smith e kishte përmendur emrin e saj, ndërsa tani Sonnenfeld ka thënë se në film do të paraqiten edhe Justin Bieber dhe Tim Burton.

Nga emrat e njohur që kanë pasur role të vogla në të kaluarën në “Men In Black”, janë Danny DeVito, Sylvester Stallone, George Lucas, Steven Spielberg dhe Michael Jackson.

Bëhet fjalë për filmin “Runner, Runner”, i cili merret me temën e lojërave të fatit në Internet.

Regjinë e ‘Runner, Runner’ do ta bëjë Brad Furman, i cili vitin e kaluar ka nënshkruar të lavdëruarin “The Lincoln Lawyer”, dhe edhe pse detajet rreth punës ende janë të panjohura, “Empire” shkruan se tani për tani dihet se në të do të luajnë Ben Affleck e Justin Timberlake ndërsa filmi bën fjalë për lojërat e fatit në ueb-faqe, me fokus në poker, por edhe me mundësinë e vënies së basteve në kuajt (nëse gjykojmë sipas titullit).

Skenarin e kanë shkruar Brian Koppelman dhe David Levien, të cilët qëndrojnë prapa skenarit për trilerin e pokerit “Rounders”, të xhiruar në vitin 1998.

Affleck dhe Timberlake momentalisht janë të stërngarkuar me punë dhe kështu që ende nuk dihet se kur do të fillojë xhirimi i “Runner, Runner”. Ndërkohë, Affleck po përfundon filmin “Argo”, ndërsa Timberlake aktualisht është duke xhiruar “Trouble With The Curve” me Clint Eastwood.

Producenti i filmit turk “Famine”, i cili flet për ndihmën e Perandorisë Osmane Irlandës gjatë shekullit XIX u ka ofruar role aktorëve të famshëm të Hollywoodit, Leonardo DiCaprio dhe Colin Farrell, raporton Anatolia.

Negociatat janë duke u zhvilluar me regjisorin e mirënjohur irlandez, Mark Mahon, i cili duhet të qëndrojë prapa kamerave, ndërsa është e sigurt se filmi do të xhirohet në Turqi dhe në qytetin-liman të Irlandës, Droghed.

Në qendër të filmit aksion është një histori dashurie në mes të marinarit Fatih dhe irlandezes Mary.

Skenaristi dhe drejtori i projektit, Omer Sarikaya, tha se është i ngazëllyer në lidhje me interesimin e regjisorit irlandez, Mark Mahon, për filmin.

“Mahon tha se kjo histori është më interesante se sa ajo e Titanikut”, tha Sarikaya.

Sarikaya tha se aktorëve Hollywoodian që iu ofruan rolet janë të interesuar për filmin, por që nuk kanë nënshkruar ende kontratë.

“Për rolin e Fatih e dëshirojmë Leonardo DiCaprion, ndërsa për rolin e Patrickut do të donim Colin Farrell, i cili është me origjinë irlandeze,” tha Sarikaya.

Sarikaya shtoi se gjysma e aktorëve do të përbëhen nga turqit, ndërsa gjysma tjetër e aktorëve do të jenë të huaj.

Është një film për të cilin përflitet prej kohësh e tani radhën e pati premiera e tij. I pagëzuar thjesht “Marley”, filmi dokumentar është një udhëtim në jetën e legjendës së muzikës, Bob Marley.

Në premierën e tij qenë të pranishëm emra të njohur të botës së artit si Snoop Dogg, Jane Fonda dhe Kenny Chesney.

Nuk mund të mungonte familja e tij në tapetin e kuq të premierës botërore të këtij dokumentari, djemtë e tij Ziggy, Robbie dhe Rohan ishin aty,  në premierën hollivudiane.

Aty qenë edhe protagonistët, aktorët Luke Wilson dhe Rosario Dawson ndërsa Kevin MacDonald, regjisori fitues i çmimit OSCAR i cili ka realizuar dokumentarin, nuk ishte në premierë.

Për Ziggy Marley-n, qëllimi ka qenë vetëm një: nëpërmjet këtij dokumentari të bëjë një apel për muzikën e tij e cila përcjell mesazhe për paqe. Nga tapeti i kuq Ziggy M deklaroi: “Unë kam qenë në Afrikë, në disa vende ku Bob ka qenë. Dekada më vonë ai nuk ishte aty, ama unë u mallëngjeva pasi muzika e tij ishte atje, në vendet që ai i kishte shkelur, një muzikë e cila jo vetëm frymëzonte, por edhe shërbente si mbështetje për lëvizjet në kërkim të lirisë në këto vende”.

Deri më tani ka pasur dhjetra realizime kinematografike dhe televizive të cilat kanë pasur në qendër jetën e Bob Marley-t, por asnjë prej tyre nuk ka pasur aprovimin e familjes së tij.

“Ne vendosëm të ishim pjesë e këtij dokumentari sepse menduam që ka ardhur koha t’i tregojmë botës diçka intime nga jeta e tij, atë që deri më tani askush nuk e ka ditur. Nuk donim që në filma babai ynë të shfaqej vetëm nëpërmjet opinioneve të njerëzve që nuk e kanë pasur as afër”, ka pohuar Robbie Marley, një ndër 11 fëmijët e legjendës Bob Marley.

Bob Marley është një ndër ata këngëtarë që me muzikën e tij ka influencuar e ka kërkuar një botë me më shumë paqe e dashuri. Muzika e tij ka qenë përherë për njerëzit, drejtuar atyre.

Filmi dokumentar “Marley”  do të nisë të shfaqet nëpër kinema prej 20 Prillit.

Producenti i filmit turk “Famine”, i cili flet për ndihmën e Perandorisë Osmane Irlandës gjatë shekullit XIX u ka ofruar role aktorëve të famshëm të Hollywoodit, Leonardo DiCaprio dhe Colin Farrell, raporton Anatolia.

Negociatat janë duke u zhvilluar me regjisorin e mirënjohur irlandez, Mark Mahon, i cili duhet të qëndrojë prapa kamerave, ndërsa është e sigurt se filmi do të xhirohet në Turqi dhe në qytetin-liman të Irlandës, Droghed.

Në qendër të filmit aksion është një histori dashurie në mes të marinarit Fatih dhe irlandezes Mary.

Skenaristi dhe drejtori i projektit, Omer Sarikaya, tha se është i ngazëllyer në lidhje me interesimin e regjisorit irlandez, Mark Mahon, për filmin.

“Mahon tha se kjo histori është më interesante se sa ajo e Titanikut”, tha Sarikaya.

Sarikaya tha se aktorëve Hollywoodian që iu ofruan rolet janë të interesuar për filmin, por që nuk kanë nënshkruar ende kontratë.

“Për rolin e Fatih e dëshirojmë Leonardo DiCaprion, ndërsa për rolin e Patrickut do të donim Colin Farrell, i cili është me origjinë irlandeze,” tha Sarikaya.

Sarikaya shtoi se gjysma e aktorëve do të përbëhen nga turqit, ndërsa gjysma tjetër e aktorëve do të jenë të huaj.