VIP Shqiptar

Filmi ‘Home’ triumfon në BAFTA

Filmi ‘Home’ triumfon në BAFTAFilmi “Home”, që është realizuar si koproduksion mes Kosovës dhe Britanisë së Madhe, ka marrë çmimin për filmin më të mirë të shkurtër britanik, në ceremoninë e ndarjes së çmimeve BAFTA për vitin 2017.

Filmi ka fituar në kategorinë e filmit të shkurtër, duke lënë pas filmat “Consumed”, “Mouth of Hell”, “Standby” dhe “The Party”.

Filmi “Home” bën fjalë për një familje që gjendet në situatat e njëjta si refugjatët e vendeve të Lindjes.

Filmi, ku xhirimet më të mëdha janë bërë në Kosovë flet për një familje që bëhet viktimë e zhvillimeve pa fajin e saj, për tu gjendur në situata njëjtë si refugjatët e vendeve të Lindjes.

Regjia është bërë nga Daniel Mulloy, ndërsa pjesë e ekipit ishin aktorja Arta Dobroshi, Shpat Deda, Zaki Ramadani, Eroll Bilibani, Mrinë Godanci, Elmedina Morina, Sally Campbell, Davud Karbassioun, Andrés des Rochers etj.

Producenti i filmit, Shpat Deda, është shprehur i ngazëllyer me këtë çmim.

“Pa tekst! Ky çmim po vjen #Home (Në shtëpi)!!! Urime të gjithëve të përfshirë në Kosovë dhe Britani të Madhe! #Bafta2017 #Britishshortfilm #Win”, ka shkruar Deda në Facebook./Telegrafi/

Komentoni këtë artikull

FAQE TE ZGJEDHURA

MARKETING

Copyright 2009 Thashetheme.