Rona Nishliu këndon “Suus”, një baladë në gjuhën shqipe, në “Eurosong” këtë vit. Ajo është duke parashikuar perfomancën e saj të javës së ardhshme kur do të këndojë para audiencës së madhe. Para se të hyjë në skenë për provën e dytë ajo ka ndarë emocionet e saj për “Eurovision.tv”.

“Shpresoj që do të jap më të mirën nga vetja sot, pasi sikurse edhe në provën e parë, edhe kjo e sotmja është shumë e rëndësishme”, ka thënë Rona Nishliu, kur e takuam në zhveshtoren e delegacionit shqiptar.

“Shpresoj që pas provës së sotme do të jem gati për provën e përgjithshme, me audiencë, pasi është ajo që kam pritur tash sa kohë. Publiku të jep shumë energji dhe për shkak të magjisë që krijon, kjo është shumë e rëndësishme për mua”, ka thënë ajo. Në provën e dytë Rona Nishliu i ka vërtetuar deklaratat e saj. Ajo përfundimisht është e gatshme për provën e përgjithshme, pasi duket shumë e sigurt edhe për vokalin, performancën në skenë dhe komunikimin me kamera. Ajo e ka kënduar baladën e saj dramatike e vetme në skenë, pa mbështetje speciale apo zë të dytë. Skena ishte veshur në të kuqe, me një sfond të errët LED, në të cilin shfaqeshin silueta bardhezi në mesin e këngës. Rona kishte të varur vath dhe qafore shumë të veçantë të enjten.

Në konferencën për media, një gazetar britanik e pyeti Ronën pse kishte zgjedhur të performonte vetëm në skenën e Bakus. “Jam tekstshkruesja dhe historia e këngës sime është e bazuar në eksperiencë personale, kështu që menduam se do të ishte më lehtë të shpreh atë kur jam vetëm në skenë”, është përgjigjur ajo. “’Suus’ do të thotë personale dhe kështu më tingëllon mua. Muzika dhe teksti në veçanti shkojnë përtej kufijve dhe racave. Jam duke kënduar këngën time në gjuhën shqipe, sepse mendoj se është më e fuqishme dhe më origjinale”, i është përgjigjur Rona pyetjes së njërit prej gazetarëve se pse ajo ka vendosur të këndonte në shqip dhe çka do të thotë titulli i këngës. Një gazetar maqedonas gjatë konferencës ka thënë se ndryshe nga artistët e tjerë nga Kosova, Rona ndjek një stil më pak komercial muzikor. Rona Nishliu ka komentuar se ajo është përpjekur të bëjë atë që ndien dhe muzika është pasioni i saj dhe se është e rëndësishme për çdo artist të rritet dhe të ndryshojë gjatë procesit artistik.

“Një performancë që ka vlera është më e mira që mund të kesh. Nëse njerëzit ndiejnë diçka derisa je duke kënduar, ky është komplimenti më i mirë dhe duartrokitjet e audiencës pas performancës janë gjëja më e mrekullueshme”, ka thënë Rona para gazetarëve.

Me këngën “Suus”, e cila është kompozuar nga Florent Boshnjaku, Rona Nishliu ka fituar në edicionin e 50-të të Festivalit të Këngës në RTSH. Triumfi në këtë festival tradicional të këngës shqiptare ia ka mundësuar këngës “Suus” rrugëtimin drejt Bakus, në Azerbajxhan. Rona Nishliu do të paraqitet në gjysmëfinalen e parë më 22 maj, ndërkaq, sipas shortit, ajo këndon e pesta me radhë. Videoklipi i këngës është realizuar nën regji të Bekim Lumit dhe realizim të produksionit “Koperativa”. Rona Nishliu në shkurt të këtij viti kishte incizuar këngën “Suus” në Los Angeles, aty ku dikur kishin incizuar “The Beatles”, Frank Sinatra, Ray Charles. Lady Gaga në ditët e sotme është njëra prej yjeve që regjistron po në atë vend. Tekstin e këngës “Suus” e ka shkruar vetë Rona. Para se të nisej për në Baku të Azerbajxhanit, Nishliu ka organizuar një turne për promovimin e këngës “Suus”.

Reperi me famë botërore, Jay-Z, ka komplimentuar Rita Orën për hapat e parë të karrierës së saj, duke thënë se entuziazmi i saj dhe talenti do ta bëjnë atë një prej këngëtareve më të mira të së ardhmes.

Jay-Z ka folur për Ritën në kuadër të fushatës VEVO Lift UK, duke e quajtur Ritën yll. Këngëtarja shqiptare është e kontraktuar me ‘labelin’ ku Jay-Z është boss, Roc Nation.

“Për herë të parë e kam parë në Neë York. Ajo ishte aq e mirë, shfaqi entuziazëm të pa parë. Në një moment ajo kërcen nga skena, ndez publikun dhe kjo e bën atë fantastike”, ka theksuar Jay-Z.

David Beckham dhe princesha Anna kanë qënë në Athinë për të marrë pishtarin e lojërave Olimpike Londër 2012. Me të dy dëshmtarët flaka do të do të udhëtojë me një avion të vecantë në British Airways.

Fluturimi do të niset nga Athina për të arritur tapën e parë angleze në Cornovaglia.

Eliza Hoxha gjatë një interviste për “Kosova Sot” ka folur për gjërat që ajo i pëlqen dhe ato që nuk i pëlqen.

Këngëtarja thotë se ajo është e prirë që në jetë çdo gjë ta marrë me pozitivitet, pavarësisht se si është situata.Ajo thotë se është e pamundur t’i ndalë muzikën dhe arkitekturën, si dy profesione që i adhuron dhe i bën me shumë qejf.

Eliza ka pohuar edhe se nuk i pëlqen ta shoh muzikën si përfitim, por i pëlqen ta shohë si mbushje shpirtërore.

Dhe asaj nuk i pëlqen të flasë për dashurinë, pasi që ende nuk e ka një të dashur në krahët e saj dhe nëse një ditë do të dashuronte, këtë thotë se do ta bënte me gjithë shpirt, e jo vetëm me mendje.

Lady Gaga, e cila njihet për veshjet e saj të cuditshme dhe ekstravagante, këtë herë ka preferuar të vishet si një bretkosë.

Këngëtarja 25-vjecare është fotografuar në aeroportin Taipei. gjatë udhëtimit të saj në Indonezi.

Po në këtë vend i është dashur të anullojë dhe koncertin e saj, për shkak të kundërshtimeve nga ana e islamikëve ndaj performancës së divës së pop-it.

Kim Kardashian prezanton në Londër parfumin e saj të ri i quajtur “True Reflection”.

Show girl-ja mbante veshur një fustan të kuq tepër të ngushtë, e cili i nxirrte në pah format trupore.

Ish-fituesja e “Miss Botës” dhe idhull i shumë indianëve, Aishwarya Rai ka tërhequr vëmendjen e publikut për faktin se nuk është dobësuar, pavarësisht se kanë kaluar 6 muaj nga lindja e fëmijës së saj të dytë.

Aktorja më e suksesshme dhe më e adhuruar e Hollivudit Indian është konsideruar si një ndër femrat më e bukura në botë.

Tani që është bërë anëtare e jurisë së “X Factor”, Britney Spears do ta shohim sërish kudo.Por, nuk do të shohim atë në çfarëdolloj paraqitjesh – sepse për këtë do të kujdeset i fejuari i saj, Jason Trawick.

Dhe pikërisht një kujdes të tillë tregoi Jason, i cili gjatë vozitjes me të fejuarën e tij në New Yorku me dorën e tij mbuloi pjesën e fustanit të këngëtares nga ana e paparacëve, të cilët do të ishin në gjendje të fotografonin të brendshmet e saj.

Çifti shkonte në shtëpinë televizive “Fox” për xhirimet, në të cilën Britney me të vërtetë ishte veshur shkurt. Nuk është e qartë pse nuk e ka veshur një fustan paksa më të gjatë ose pse nuk e tërhoqi poshtë që mos ekspozonte asgjë.

Ose thjesht dëshiron që të ketë në vete dorën e të fejuarit të saj dhe kështu të ndjehet e sigurt.

Pop-ylli amerikan ditë më parë sipas medieve amerikane ka nënshkruar një kontratë të vlefshme 15 milionë dollarë për të marrë pjesë në jurinë e emisionit të talenteve të këndimit “X Factor”.

Pas 19 ditësh të shfaqjes nëpër kinematë botërore, blockbusteri amerikan “The Avengers” tashmë ka realizuar të ardhura prej një miliard dollarësh dhe në këtë mënyrë është barazuar me Avatarin dhe vazhdimin e fundit të Harry Potterit.

Super heronjtë gjatë fundjavës kanë fituar rreth 200 milionë dollarë në arkat e kinemave në mbarë botën (103 milionë në Amerikë dhe 95 në pjesën tjetër të botës), si dhe në listën e rekordeve që janë thyer dhe qysh tani mund t’i jepet titulli “Filmi që më së shpejti arkëtoi 300 milionë dollarë në tregun e brendshëm” (në vetëm nëntë ditë).

Pritjet janë të larta, veçanërisht nëse kemi parasysh se Avatari në tregun amerikan në javën e dytë ka fituar “vetëm” 75 milionë euro.

Pritet që Avengers gjatë fundjavës tjetër të hyjë në top 10 filmat me të ardhurat më të larta (aktualisht zë vendin e 18-të).

Vlen të përmendet se edhe filmi i Tim Burtonit “Dark Shadows” në fundjavën e njëjtë arkëtoi 29 milionë dollarë, “Think Like a Man” 6 milionë dollarë, ndërsa “The Hunger Games” 4.4 milionë dollarë.