VIP Shqiptar

Si të bëni grim pranveror me ngjyra të hapura dhe të ëmbla

Si të bëni grim pranveror me ngjyra të hapura dhe të ëmblaTani që pranvera ka filluar edhe grimi juaj duhet të ndryshojë. Në stinën e pranverës duhet të përdorni ngjyra më të hapura dhe të ëmbla. Këtë vit në modë janë ngjyrat pastel.

Shikoni videon dhe mësoni si të bëni këtë grim të mrekullueshëm pranveror:

Si të mos e lejoni rimelin të bie

Si të mos e lejoni rimelin të bieShpesh maskara thahet shumë në qerpikë dhe bie nën sytë tuaj duke bërë ata të duken të errët dhe të papastër. Që kjo të mos ndodhë përdorni dy lloje të maskarës: një maskarë për zgjatje dhe një rezistente nga uji.

Së pari aplikojeni maskarën për zgjatjen e qerpikëve dhe pastaj atë rezitente ndaj ujit. Në këtë mënyrë do të fitoni më shumë volum dhe gjithashtu shtresa rezitente ndaj ujit do të qëndrojë më gjatë duke mos lejuar maskarën të bije.

Nëse frikësoheni se do ta keni të vështirë pastrimin e maskarës rezitent ndaj ujit, mos u frikësoni, kur ajo aplikohet mbi maskarën normale është më lehtë të hiqet.

Agnesa Vuthaj përfaqëson Shqipërinë në “Fashion For Europe”

Agnesa Vuthaj përfaqëson Shqipërinë në “Fashion For Europe”Ish-miss Kosova dhe tashmë një biznesmene e suksesshme, Agnesa Vuthaj, do të marrë pjesë në ngjarjen “Fashion For Europe” që organizohet këtë vit në Vienë të Austrisë.

Fashion For Europe është një organizim prestigjioz i modës i cili mbahet si para-prezantim në kuadër të Eurovisionit që këtë vit mbahet në Austri, transmeton Telegrafi.

E pikërisht në Vienë të Austrisë vendet pjesëmarrëse të Eurovisionit do të prezantojnë me anë të modës kulturën dhe kreacionet e këtyre vendeve.
agnesa

Dhe, në mesin e shumë disenjatorëve të dëshmuar evropianë është edhe brendi i njohur tashmë, “Agnesa Vuthaj”.
Fashion For Europe mbahet më 18 maj të këtij viti në Vienë.

Kujtojmë që Agnesa Vuthaj është shqiptarja e parë që dizajnon dhe prodhon këpucë dhe çanta me emrin e saj. Për të mësuar më shumë rreth brendit “Agnesa Vuthaj” dhe produkteve të saj që tashmë po shpërndahen në gjithë botën përmes shitjeve online, vizitoni www.agnesavuthaj.com/Telegrafi/

5 këshilla për vetulla të plota dhe qerpikë të dendur

5 këshilla për vetulla të plota dhe qerpikë të dendurGjithë ato femra që kanë vetulla të holla dhe që pavarësisht toneve të errëta që ju japin, apo heqjes me kujdes, nuk kanë vetulla të plota, ka disa gjëra që duhet të dinë. E njëjta gjë vlen edhe për qerpikët.

Qendra spanjolle e dermatologjisë, Instituto Madrileño de Dermatología y Estética (IMDE), rendit disa këshilla për të pasur vetulla më të bukura dhe qerpikë më të dendur.

Hani 6 bajame në ditë. Janë të pasura me vitaminë E, dhe ushqejnë më së miri qerpikët dhe vetullat. Ndër të tjera përmbajnë edhe polifenol, një antioksidant që parandalon rënien e tyre.

Vaji i ullirit ndihmon në forcimin e vetullave dhe qerpikëve për shkak të prezencës së madhe të vitaminës E, që lufton plakjen dhe dobësimin e tyre.

Fasulet, janë të pasura me hekur, zink dhe vitamina të grupit B. Këto elementë garantojnë forcim të qerpikëve dhe vetullave si dhe i ushqejnë duke iu dhuruar më shumë shkëlqim.

Brokolit përmbajnë keratinë, e cila i bën qerpikët dhe vetullat më të shëndetshme dhe më të bukura.
Avokado. Studime të ndryshme pretendojnë së ngrënia e gjysmë avokadoje në ditë, garanton marrjen e afro 20 vitaminave dhe kripërash minerale. Gjithë këto vitamina janë ideale për të pasur qerpikë dhe vetulla më të dendura

Rita Ora shkëlqen në eventin e Hilfiger

Rita Ora shkëlqen në eventin e HilfigerBashkë me të dashurin e saj Ricky Hil, ajo u pa tek po merrte pjesë në një event të Hilfiger, për t’i ndihmuar kështu “vjehrrit” të saj dizajner, në hapjen e një butiku në Paris.

Rita, njihet si një ndjekëse e modës dhe e çmendur pas brendeve të njohura. (more…)

Fiorenza Lekstakaj është vajza më e bukur e Shqipërisë për vitin 2013

Fiorenza LekstakajFiorenza Lekstakaj është vajza më e bukur e Shqipërisë për vitin 2013.

7-vjeçarja që ka lindur në Firence të Italisë, por që di të flasë shumë mirë shqip, rrëfen në këtë intervistë përjetimet e saj pas marrjes së kurorës. Pse ka zgjedhur të mbajë nënshtetësinë shqiptare dhe pse i tha ‘jo’ ofertës për të marrë pjesë në “Miss Italia”. Të afërmit që ishin kundër pjesëmarrjes së saj në “Miss Shqipëria” dhe biseda me të ëmën pas fitores. E tashmja dhe e ardhmja e vajzës me bukuri tipike mesdhetare, që e votoi e gjithë juria. Në një intervistë për BAllkaweb, bukuroshja shqiptare rrëfen shumë gjëra

Fiorenza, sapo je zgjedhur vajza më e bukur shqiptare, cilat janë ndjesitë që të dha ky çmim, kjo kurorë?

Natyrisht, emocionet ishin të shumta… Jam tej mase e lumtur që kurorën e më të bukurës së Shqipërisë këtë vit kam nderin ta mbaj unë. Ndjeva sadisfaksion të madh për veten dhe për prindërit e mi, në veçanti për babin, për të gjitha sakrificat që kanë bërë për të më sjellë këtu.

Si ka qenë për ty kjo eksperiencë në “Miss Shqipëria”?

E paharrueshme. Një nga përvojat më mbresëlënëse që kam kaluar, duke filluar që nga turi e deri tek kurorëzimi si “Miss Shqipëria”.

A e ndjeve ndopak xhelozinë e konkurrenteve të tjera, kur Kleoniki Delijorgji (“Miss Shqipëria” & “Miss Globe” – 2012) tha emrin tënd si fituese?

Jo, aspak. Kanë qenë të gjitha shumë dashamirëse dhe mendoj se më kanë uruar sinqerisht për fitoren.
Cilën nga vajzat ke bërë më shumë shoqe?

Erionën, që u shpall “Miss Eleganca” dhe Fitoren, që fitoi çmimin “Miss Miqësia”.

Cilën prej tyre e ndjeje si rivalen më të fortë për kurorën e “Miss”-it?

Anitën dhe Geraldinën…

Çdo të thotë për ty të jesh e bukur?

Nëse flasim për bukurinë e jashtme, ajo është dhuratë nga Zoti, por sidoqoftë mendoj se ajo është e pamjaftueshme për ta bërë të bukur një person. Megjithëse në konkurset e bukurisë është shumë e rëndësishme pamja, ka edhe komponentë të tjerë që ndërtojnë personalitetin e një njeriu të bukur…
Mendon se bukuria të hap dyer?

Mendoj se është një faktor që ndikon…

Megjithëse je shpallur më e bukura e Shqipërisë, ne dimë shumë pak për ty. Do të na tregosh kush është Fiorenza Lekstakaj?

Auuu sa e vështirë është kjo pjesa kur flet për veten. Unë jam Fiorenza Lekstakaj, 17 vjeç, e lindur dhe e rritur në Firence të Italisë, ku vazhdoj dhe aktualisht shkollën e mesme për ekonomik. Jam një vajzë e thjeshtë, si të gjitha bashkëmoshataret e mia, me dëshira dhe pasione të shumta.

Ke lindur dhe je rritur nga Itali. Kush ta ka mësuar shqipen?

Në shtëpi të gjithë flasim shqip. Prindërit ma kanë ushqyer gjithmonë dashurinë për Shqipërinë.

Si kanë qenë për ty këto ditë në Shqipëri?

Fantastike. Sa herë vij këtu, kënaqem shumë. E dua shumë Shqipërinë, madje edhe nënshtetësinë në pasaportë e kam shënuar shqiptare.

Regjisori Petri Bozo na tregoi se e ke refuzuar edhe ofertën për të konkurruar në “Miss Italia”… Është e vërtet?

Po, është shumë e vërtetë. Doja që pjesëmarrja ime e parë në një konkurs bukurie të ishte në Shqipëri…

A kanë qenë dakord prindërit e tu me këtë pjesëmarrje?

Ata kanë qenë dhe janë mbështetja ime më e madhe… Xhaxhallarët kanë qenë ata, që të shtyrë nga ideja se në Shqipëri çmimet shiten, nuk donin që të merrja pjesë. Por “Miss Shqipëria” i theu parashikimet e tyre dhe provoi krejt të kundërtën.

Ishin mami dhe babi në Bylis?

Vetëm babi, mami ishte në Itali, sepse duhej të kujdesej për mbesën (vajzën e motrës), por fola në telefon me të pas përfundimit të spektaklit dhe më tha që “t’i kam plotësuar të gjitha dëshirat, edhe Zoti t’i plotësoi”. Ishte urimi më i bukur që mora atë ditë.

Po babi si reagoi?

Babi nuk shprehet shumë, por shpërtheu në lot kur më përqafoi. Ia lexoja në sy lumturinë.

Si e pret pjesëmarrjen në “Miss Globe”?

Megjithëse ai është një ndër kompeticione më prestigjioze të bukurisë në mbarë botën, për mua nuk ka asnjë konkurs më të rëndësishëm se “Miss Shqipëria”. Unë ëndrrën time e realizova. Sigurisht, jam e lumtur që gëzoj të drejtën për të përfaqësuar vendin tim në një event ndërkombëtar. Do përpiqem të jap më të mirën.

Si e mendon të ardhmen tënde?

Mendoj se do të vazhdoj studimet në degën që kam nisur, ekonomik.

Po bota e televizionit të pëlqen?

Më pëlqen shumë. Do doja që në një të ardhme të isha unë duke e prezantuar “Miss Shqipëria”.

Një vajzë e bukur si ty, a i ndjen vështrimet e djemve të Firences?
Fare… Madje nuk i dua.
Pse?
Nuk e di, s’më pëlqejnë.
Kjo do të thotë që je single?
Po.
Pushimet këtë vit ku do t’i kalosh?
Në Shqipëri, si çdo vit tjetër. Në Shëngjinin tim.

FAQE TE ZGJEDHURA

MARKETING

Copyright 2009 Thashetheme.