Mbrëmë në “Zonë e Lirë”, ku ishte i ftuar Lulzim Basha Arjan Çani ka zbuluar për herë të pare, se kreu i PD-së, Lulzim Basha ka njohje personale me Ivanka Trump, vajza dhe njëkohësisht këshilltarja e presidentit të SHBA, Donald Trump. Sipas tij ai kishte informacion, se në mos miqësi mes Bashës dhe vajzës bukuroshte të presidentit ekzistonte një njohje e hershme.

Çani e pyeti drejtpërdrejt Bashën, nëse e pranonte se kishte njohje me Ivankën ndërsa kreu i PD-së gjithmonë duke buzëqeshur, nuk e mohoi por vetëm përsëriti disa here, se “kam lidhje të forta me bashkëpunëtorët më të ngushtë të presidentit Trump”. Ai shtoi se kishte lidhje shumë të fuqishme me politikën e lartë në SHBA, të cilat fillonin që në vitin 1998, kohë kur ai ka punuar për OKB dhe më pas për Tribunalin e Hagës. Ngelet ende enigma, nëse vërtet Basha ka njohje të drejtpërdrejtë me vajzën e Trump që tashmë dihet ka ndikim të madhe të babai i saj. Në ditët në vijim priten të dhëna të reja, rreth kësaj “miqësie” misterioze.

Më pas Basha zbuloi se, kishte planifikuar takime shumë të rëndësishme në Uashington, që më datat më 17 dhe 18 maj, por situata politike në Shqipëri e detyroi t’i shtynte. Duhet theksuar se kjo periudhë vizitës së anuluar të Bashës në SHBA, përkon fiks me ditët e marrëveshjes Rama-Basha.

Kryeopozitari ishte pak ditë më parë në SHBA ku u takua me Trump, duke u bërë politikani i parë shqiptar, që takohet me presidentin e ri amerikan. Ai deklaroi se direkt pas zgjedhjeve do të ndërmerte sërish një udhëtim përtej oqeanit, për takime të tjera shumë të rëndësishme.

PËRGJIGJU

Please enter your comment!
Please enter your name here