Është shpallur lista e plotë e nominimeve për konkurrentët në Video Festin Muzikor 2012.

Ketë vit Video Festi Muzikor do të organizohet nga Instituti për Kulturë dhe Sport – INKUS, në bashkëpunim me RTV21 dhe do të mbahet më pesë qershor në sallën 1 Tetori.

Në vazhdim janë të prezantuara nominimet në bazë të kate3gorive, të bërë nga bordi organizativ i Video Festit Muzikor.

1. Video Spoti më i mirë

Alban Skenderaj – Mirë se vjen në shpirtin tim
Kaos – Lej t’kallen
Dafina Zeqiri – My swag
Genc Salihu – Lufta asht bahçe

2. Video Spoti më i mirë në konkurrencën e Meshkujve

Besart Halimi – Kaçurrelja
DrenA bazi – Pa frymë
Genc Salihu – Lufta asht bahçe
Lyrical Son – Pse t’fola
Mentor Haziri – Engjëll

3. Video Spoti më i mirë në konkurrencën e Femrave

Elvana Gjata – Afër dhe larg
Argjentina Ramosaj – Si shiu
Nora Istrefi – Ski me ik
Tuna – Dyshemeja
Dafina Zeqiri – My swag

4. Video Spoti më i mirë në konkurrencën e Grupeve

Aragona Band – Vajza anonime
NRG Band – Rina Rina
Gillespie – Anisa
Kaos – Lej t’kallen

5. Video Spoti më i mirë Best New Artist

Bakashanta – Drink
Qendresa Millaku – First Class
Gjira – Ckapo don me t’knu zemër
Lea – Te pres

6. Video Spoti më i mirë i zhanrit Pop Folk

Flori ft. AlbatritMuqiqi – Tequila vava
Gili – Haku i nenës
Leonora Jakupi – Iluzion
Lori – E ndjej mungesën tënde

7. Video Spoti më i mirë i zhanrit Pop

Argjentina Ramosaj – Si shiu
Tuna – Dyshemeja
Hana Cakuli ft. KushtrimHoxha – Kopshti
Alban Skenderaj – Mirë se vjen në shpirtin tim

8. Video Spoti më i mirë i zhanrit Rap Hip-Hop

Big Basta – Bounce with the star
BimBimma ft. Lyrical son – S’ka kufij
DJ Blunt ft. Real 1 TDS – Bang Bang
Kaos – Lej t’kallen
McKresha ft. Lyrical Son – Hip Hop-in e du

9. Video Spoti më i mirë i zhanrit Rock

Andos ft. EugentBushpepa – Adrenalina
Genc Salihu – Lufta asht bahçe
Gillespie –Anisa
The Freelancers – Pse

10. Video Spoti më i mirë në konkurrencën RnB

Seven Saraqi ft. Vig Poppa – She got me
Dafina Zeqiri – Supernova
Lyrical Son – Pse t’fola
Vesa Luma ft. Big Basta – Boom
Dafina Rexhepi ft. Kaos – Party and bullshit

11. Video Spoti me i mirë në duet

DrenAbazi&AnjezaShahini – Ti dhe unë
Andosi ft. Eugent Bushpepa – Adrenalina
Hana Cakuli ft. Kushtrim Hoxha – Kopshti
NRG Band ft. Capital T – Veç asaj

12. Video Spoti me i mirë bashkëpunim/ft

Rina Abdyli ft. Flaka Krelani, McKresha – Si Bass
Adelina Emini ft. Genc Prelvukaj – Tipsy
Nora Istrefi ft. McKresha – As ni zo
Vesa Luma ft. Big Basta – Boom

13. Video Spoti më i mirë në kategorinë Dance

Blero ft. Astrit Stafa – Summer Love
Elvana Gjata – Afër dhe larg
Genta Ismajli ft. Dalool – Guximi
Shpat Kasapi ft. Ton Voka – Shumë hot

14. Video Spoti me regjinë më të mirë

Alban Skenderaj- Mirë se vjen në shpirtin tim
Genc Salihu – Lufta asht bahçe
Dafina Zeqiri – My swag
Adelina Emini ft. GencPrelvukaj – Tipsy

15. Video Spoti me Styling më të mirë

Dafina Zeqiri – My swag
Elvana Gjata – Afër dhe larg
Aferdita Dreshaj –Qyteti heshtë
NRG Band – Rina Rina

16. Video Spoti me Performancën më të mirë

Dafina Zeqiri – My swag
Hana Cakuli ft. Kushtrim Hoxha – Kopshti
NRG Band ft. Capital T – Veç asaj
Nora Istrefi ft. McKresha – As ni zo.

Russell Brand është konfirmuar si nikoqir i mbrëmjes më të madhe filmike të vitit, MTV movie Awards 2012, teksa lajmin e konfirmoi MTV News.

Ceremonia madhështore e cila do të mbahet në amfiteatrin Gibson në Kaliforni, do ta ketë për prezantues komikun e njohur britanik, i cili njihet për performancat e tij të jashtëzakonshme nëpër mbrëmje të tilla nga e kaluara.

Në të kaluarën nikoqirë të MTV movie Awards kanë qenë emra të njohur si Ben Stiller, Justin Timberlike dhe Mike Myers.

Javën që shkoi Aurela Gaçe ka kryesuar hitparejdin ballkanik të Balkanika Tv duke u renditur e para në listën e këngëve më të mira të Ballkanit për javën, me hitin “Tranzit”.

Ajo ka lënë pas disa emra të njohur të momentit si Alisia,Helena Paparizou e Alex Mica.Suksese Aurela!

Nata e katërt në “Dancing with the stars” nuk pati të eliminuar. Kjo ishte surpriza që producentja Holta Dulaku kishte menduar për natës e së enjtes, duke shpallur në fund të saj që katër çiftet më pak të votuara nuk do të shkonin në “Danc off”.

Siç është deklaruar që në fillimin e këtij sezoni të ri nga autorët, nga nata në natë do të ketë të papritura për sa i përket formulës së garës dhe eliminimit të konkurrentëve në këtë garë. Kështu, në javën e ardhshme do të eliminohen dy nga konkurrentët e “Dancing with the stars”.

Dy të rrezikuarit për t’u larguar do të jenë pikërisht nga katër çiftet që u shpallen më pak të votuarit. Zhaku, Artan Imami, Niada Salisi dhe Seldi Qalliu janë katër konkurrentët që rrezikojnë të eliminohen natën e 5-të të “Dancing with the stars”. Beteja më e fortë do të zhvillohet midis këtyre katër konkurrentëve, por kjo nuk do të thotë se shtatë konkurrentët e tjerë që kanë dalë jashtë zonës së rrezikut, mund të rrinë të qetë.

Duke qenë se pikët e natës që kaloi por edhe javës së ardhshme nuk do të zerohen, mund të kemi në javën në vijim, përkatësisht në javën e gjashtë, një përmbysje të rezultatit. Dy prej çifteve nga katërshja që rrezikon këtë javë që vjen, të cilët do t’i shpëtojnë eliminimit, mund të ketë mbledhur prej votave të javës më shumë pikë se çdonjëri prej shtatë konkurrentëve që janë jashtë zonës së rrezikut.

Kështu që beteja e pikëve është e hapur për të gjithë yjet që kërcejnë. Mbetet për të parë në këtë të enjte se kush do të largohet nga katërshja e shpallur në rrezik mbrëmjen e së enjtes.

Asgjë e pa zakontë! Adele është duke kryesuar nominimet për Billboard Music Awards dhe atë në hiç më pak se 18 kategori.

Krijuesja e hitit “Someone Like You” kryeson nominimet duke përfshirë top kategoritë për Top Artistin e Vitit, Top Artisten Femër dhe Top Artisten e Billboard 200, përderisa kënga “Rolling in The Deep” është konkurrues në shtatë kategori.

Konkurrencë Adeles i bën grupi karizmatik LMFAO, përderisa Rihanna e cila ishte e nominuar në 18 kategori vitin e kaluar, sivjet është e nominuar vetëm 13 herë.

Pasojnë Lady Gaga dhe Lil Wayne me nga 10 nominime secili, përderisa ata po ashtu do të luftojnë përkrah Adeles, Rihannës dhe Katy Perryt për çmimin kryesor, Top Artistin e Vitit.

Billboard Music Awards do të mbahet në MGM Grand Garden Arena në Las Vegas më 20 maj.

Elvana Gjata me klipin “Afër dhe larg”, nominuar në pesëshen më të mirë

The Balkan Music Awards 2012″ do të mbledh në Sofje më datë 16 qershor zërat e muzikës ballkanase për tu kurorë- zuar me çmime që tashmë janë kthyer në një traditë që nga 2009. Në ceremoninë e organizuar do të marrin pjesë yjet më të mëdhenj në Ballkan!

Shqipëria këtë vit do të prezantohet me Elvana Gjatën me këngën “Afër dhe larg”, Flori Mumajesi me “Tallava”, Greta Koçi me “Milionere e parë” si dhe grupet nga Kosova, NRG Band me këngën “Rina rina” dhe Revolt me “Wanna be number one”.

Sipas të dhënave në faqen e festivalit këngëtarja Elvana Gjata është nominuar në pesëshen më të mirë për klipin 2011 në Ballkan Music Awards 2012.

Sofja do të jetë stacioni i zërave dhe imazheve të muzikës ballkanike më 16 qershor. Që me 20 mars ka nisur votimi i publikut – fansat mund të votojnë online në faqen zyrtare – www.balkanmusicawards.com deri më datë 8 prill!

Kategoritë janë 16 dhe për të votuar duhet të regjistroheni me email. Nominimet finale janë rezultat i votimit të Akademisë Muzikore Ballkanike, e cila u krijua në vitin 2009 dhe bashkon emrat më të mëdhenj ne fushën e muzikës dhe gazetarisë si autorë, producentë dhe gazetarë nga të gjitha vendet e Ballkanit.

Fituesit do të prezantojnë hitet e tyre gjatë ceremonisë zyrtare në qershor.

Ishte një mbrëmje për çiftet e martuara ceremonia e “Academy of Country Music Awards”, pasi burrë e grua, Blake Shelton dhe Miranda Lambert, fituan disa çmime.

Disa çifte që janë adhurues të muzikës country u martuan gjatë spektaklit. Ceremonia u përmbyll kur 22-vjeçarja e shndërruar në sensacion të muzikës country, Taylor Swift, fitoi çmimin kryesor, derisa audienca bëri homazh për legjendën e muzikës blues, Earl Scruggs, që ndërroi jetë javën e kaluar në Nashville në moshën 88-vjeçare.

“Jam shumë e lumtur që fansat po vazhdojnë të bëjnë gjëra kaq të mrekullueshëm për mua. Dëshiroj t’i përqafoj të gjithë dhe t’i falënderoj për gjithçka”, u ka thënë Swift gazetarëve në prapaskenë, pasi ka marrë çmimin që e ka fituar me votat e fansave. Por Shelton dhe Lambert, të cilët u martuan vitin e kaluar, ishin fituesit e mëdhenj të mbrëmjes, duke u kthyer në shtëpi me tri trofe. Midis të tjerash edhe çmimin për vokalistin e vokalisten më të mirë, si dhe për albumin më të mirë të vitit, për “Four the Record”. Shelton, që po ashtu ishte njëri nga nikoqirët e ceremonisë, është dukur mjaft i befasuar, kur i është përmendur emri si fitues.

“Nuk e kam pritur. Është mahnitëse”, ka thënë ai.

Derisa ka pranuar trofeun për çmimin për albumin më të mirë të vitit për “Four the Record”, Lambert i ka cilësuar si foshnje këngët e saj. “Janë arsyeja pse zgjohem çdo mëngjes”, ka thënë ajo.

Jason Aldean dhe Kelly Clarkson po ashtu janë ndarë nga ceremonia me dy çmime, për singlin e vitit dhe për vokalin më të mirë për duetin e tyre “Don’t You Wanna Stay”. Lady Antebellum me hitin e tyre “Need You Now” është emëruar grupi me vokalin më të mirë, për të katërtën herë në vitet e fundit. “Eli Young Band” mori çmimin për këngën e vitit me “Crazy Girl”.

“Gjithë jetën time e kam ëndërruar këtë moment”, ka thënë Mike Eli.

“Ndiqni ëndrrat tuaja dhe besoni në vetveten”. Ish-garuesi i “American Idol”, Scotty McCreery, 19-vjeçar, i cili së fundi ka incizuar hitin “Water Tower Town”, është shpallur artisti më i mirë i ri. Në mesin e çmimeve që u ndanë, ai për videoklipin e vitit i ka takuar Toby Keith për “Red Solo Cup”.

Ceremonia e “Academy of Country Music Awards” me nikoqir Shelton dhe Reba McEntire, është njëri nga evenimentet më të mëdha që i dedikohet muzikës country. Në përmbyllje të spektaklit, disa çifte adhuruesish të muzikës country u martuan në skenë dhe ishte hera e parë që ceremonitë martesore u realizuan ‘live’ në një ceremoni të ndarjes së çmimeve. Christina Davidson, 31 vjeç, dhe Frank Tucci, 33 vjeçar, kanë shkëmbyer zotimet për martesë, derisa Martina McBride dhe Pat Monahan kënduan në duet hitin “Marry Me”. Gjatë spektaklit ka pasur disa performanca. Carrie Underwood e nisi programin me këngën rock “Good Girl” dhe Kenny Chesney dhe Tim McGraw performuan “Feel Like a Rock Star”. Keith Urban realizoi performancë me kitarë elektrike të këngës “For You”.

Drejtuesit, të ftuarit dhe ato që kanë marrë cmim janë goditur nga masa jeshile që ka karakterizuar edicionin e 25-të të Kids Choise Award që është zhvilluar në Los Angelos.

Një dush ka përfshirë triunfuesin e mbrëmjes Justin Biper, së bashku me Will Smith që ka prezantuar spektaklin.

Trilleri i Ryan Gosling “Drive” dhe filmi i fundit i Harry Potter udhëheqin nominimet për Empire Awards2012.

“Drive” ka marrë pesë nominime, me Gosling dhe partneren e tij në film Carey Mulligan, të dy duke u nominuar për shpërblimin aktori/aktorja më i/e mirë, ndërsa “Harry Potter and the Deathly Hallows: Part 2” po ashtu ka marrë pesë nominime.

Të dy filmat do të garojnë për shpërblimin e filmit më të mirë, së bashku me “The Girl with The Dragon Tattoo”, “Rise Of The Planet Of The Apes” dhe “Tinker Tailor Soldier Spy.”

Daniel Radcliffe do të garojë me Gosling për aktorin më të mirë, së bashku me Daniel Craig (The Girl With The Dragon Tattoo), Gary Oldman (Tinker Tailor Soldier Spy) dhe Andy Serkis (Rise Of The Planet Of The Apes), ndërsa Mulligan është në garë me Olivia Colman (Tyrannosaur), Rooney Mara (The Girl With The Dragon Tattoo), Michelle Williams (My Week With Marilyn) dhe Meryl Streep, e cila para pak kohe ka marrë shpërblimin Oscar për performancën e  saj në “The Iron Lady”.

Shpërblime votohen nga lexuesit e revistës dhe do të ndahen në ceremoninë që do të mbahet në Londër, më 25 mars.

Sonte në Los Angelos zhvillohet ceremonia e madhe e ndarjes së çmimeve Oscar. Po kush janë të nominuarit për çmimin e madh? Nata e shumëpritur në Los Anxhelos po vjen. Çmimet Oscar janë çmimet më të rëndësishmë në botëm e filmit.

Zyrtarisht Akademia quhet “Akademia e Filmit Artistik dhe Shkencor” dhe i ofron çmimet që mbajnë mbishkrimin “Çmimi i Akademisë për Merita” një herë në vit.

Nominimet më të rëndësishme për këtë vit janë dhënë për filmat “Artisti, “Pasardhësit – familja dhe çështje të tjera”, “Shumë të zhurmshëm dhe pabesueshmërisht të afërt”, Ndihma”, “Mesnatë në Paris”, “Pema e jetës” etj.

Ndërsa për çmimin regjizori më i mirë janë në agrë: Woody Allen me “Mesnatë në Paris”, Martin Scorsese me “Hugo Cabret”, Michel Hazanavicius me “Artisti”, Alexander Payne me “Pasardhësit – familja dhe çështje të tjera”.

Shanset më të mëdha për të grumbulluar sa më shumë Oscar i ka filmi “Artisti”, por edhe filmi “Hugo Cabret. Filmi “Artisti” një film pa zë është nominuar në 10 kategori, ndërsa, filmi i Scorsese “Hugo Cabret në 11 kategori.

Ndërsa për çmimet e rëndësishëm të aktorit dhe aktores më të mirë rivalizojnë George Clooney, Jean Dujardin, Brad Pitt, Gary Oldmann, Demian Bichir, ndërsa tek grupi femëror kemi Viola Davis, Mery Streep për rolin e saj si Margaret Thätcher, por edhe Michelle Williams, Rooney Mara, dhe Glenn Close janë kandidate.

Edhe filmi gjerman shpreson këtë herë për të sjellë në Oscar të shumëpritur në Gjermani. Për herë të fundit Oscar shkoi në Gjermani me filmin e Florian Henckel von Donnersmarxk me dramën “Jeta e të tjerëve” në vitin 2007.

Këtë herë prodhuesit gjermanë të botës së filmit janë nominuar për disa kategori. Wim Wenders për filmin dokumentar “Pina”, i cili ka në qendër jetën e kërcimtares legejndare Pina Bausch, themeluesja e Teatrit Vallëzues në Vupertal.

Filmi ofrohet në teknikën tredimensionale. Ndërsa filmi i regjizorit nga Hamburgu Max Zähle, 3 vjeç ia ka dalë në radhën e fundit të filmave me metrazh të shkurtër që synojnë Oscarin. Edhe një film bashkëprodhim gjermano-polak “Në errësirë” konkurron për Oscarin. Filmi i regjizores polake Agniezska Holland i cili trajton historinë e një grupi hebrenjsh të fshehur nga polakët për muaj me radhë në qytetin e Lembergut në vitin 1943 konkurron për Poloninë, por aty luajnë disa aktorë gjermanë.

Çmimet e filmit u dhanë për herë të parë në vitin 1929, por vetëm dhjetë më vonë, Akademia pranoi shkurtimin “Oscar” për çmimet. Në vitin 1953 ceremonia u transmentua për herë të parë drejtpërsëdrejti në televizion.

Statuja e Oscarit është 35 centimetra e lartë dhe peshon rreth katër kilogrammë, ajo është e veshur me flori. Statujat prodhohen nga një firmë në Çikago, 50 copë në dy-tre javë. Emri i çmimit Oscar kaq të famshëm me sa duket ka një origjinë tepër thjeshtë.

Sipas gojëdhanës të shuëmfishuar nga mediat, bibliotekarja dhe më vonë drejtoresha e Akademisë së Filmit, Margaret Herrick (1902-1976) kishte menduar se statuja i ngjante së tepërmi xhaxhait të saj Oscar, prandaj ajo e pagëzoi statujën Oscar.